यी १०० कम्पनी: जहाँ तपाईं घर बसीबसी आकर्षक तलबसहितको जागिर खान सक्नुहुन्छ

काठमाडौं । नेपालमा जागिर खोजेर खानु चानचुने कुरा होइन । बार्षिक रुपमा ५ लाख हाराहारी युवाहरु श्रम बजारमा आउने र सरकारी र निजी क्षेत्रको तिनलाई रोजगारी दिने क्षमता सोहि अनुपातमा नबढ्दा जागिर खोज्न अत्यन्तै कठिन हुनु स्वभाविकै हो ।

चिनेजानेका मान्छेलाई गरिने हारगुहार, ठूलाबडाको सोर्सफोर्स आदि त्यसैको उपज हो ।

यस्तो अवस्थाको अझ जिवन्त अभिब्यक्ति बैदेशिक रोजगारीमा जाने लाइनमा भएकै छ ।
जागिर खानेका लागि पनि आफ्नो जागिर जोगाउन साह्रै गाह्रो छ । हाकिमको चाकरी, ब्यवसायिकभन्दा पनि ब्यक्तिगत काम गरिदिएर हाकिम र उसका परिवार रिझाउन सहज पक्कै हुँदैन ।

तर, चरम बेरोजगारी र कामदारहरुको ‘नेगोसियसन पावर’ कम भएका बेला अर्को उपाय पनि त हुँदैन ।

तर, बिकसित देशहरुमा भने रोजीछाडी काम गर्ने परम्परा छ । आफुलाई मन पर्ने काम गर्ने र मन नपर्ने बित्तिकै छाडेर अर्को काम खोज्ने सहज सुबिधा उनीहरुलाई हुन्छ ।

आफ्नो क्षमता, योग्यता र रुची अनुसारको काम गर्न उनीहरुलाई आफ्नो देशको बिकसित अवस्थाले स्वतन्त्रता दिएको छ ।

सुचना प्रबिधिको तीब्र बिकास भैसकेको पछिल्लो समयमा त झन उनीहरु आफ्नो घरैबाट काम गर्ने र राम्रो आम्दानी र बृती बिकास गर्ने अवस्थामा पुगेका छन् ।

अमेरिकाको बिभिन्न पार्ट टाइम र फुल टाइम जागिर सुचिकृत गर्ने कम्पनी ‘फ्ल्एक्स जब्स’ले घरबाटै काम गर्न मिल्ने १०० वटा कम्पनीको सूची सार्वजनिक गरेको छ ।

अमेरिकामा पछिल्लो समय यस्ता काम गर्ने मानिसहरुको संख्या पनि बढ्दैछ । घरबाटै काम गर्ने कामदारहरुको संख्या सन् २००३ को १९ प्रतिशतबाट सन् २०१५ मा २४ प्रतिशत पुगेको छ । यसमा बैंकिङ, वित्तीय सञ्चालनलगायत ब्यवसायिक कामहरुको प्रतिशत ३७ प्रतिशत हाराहारी छ ।

एक अध्ययनका अनुसार ६८ प्रतिशत अमेरिकी कामदारहरुले भविष्यमा घरबाटै काम गर्ने अपेक्षा राखेका छन् ।

‘फ्ल्एक्स जब्स’ले प्रकाशित गरेको घरबाटै काम गर्न मिल्ने १०० वटा कम्पनीको सुचीः