कुन गाडीको ‘ब्रान्ड भ्यालू’ कति ?

काठमाडौं । सन् २०१७ का लागि विश्वका उत्कृष्ट ब्रान्ड भ्यालू भएका सवारी कम्पनीबारे बेलायतको कन्सल्टिङ फार्म ब्रान्ड फाइनान्सले एक रिपोर्ट तयार पारेको छ । ब्रान्ड फाइनान्सले भविष्यमा उक्त कम्पनीले गर्नसक्ने सवारी बिक्री र ब्रान्डमा उपयोग हुने रोयल्टी रेटलाई आधार मानेर रिपोर्ट तयार पारेको हो ।

१, टोयोटा

सन् १९३७ मा जापानमा स्थापना भएको टोयोटाका कार हाल विश्वका सबैजसो मुलुकमा बिक्री हुँदै आएको छ । नेपालमा पनि टोयोटाका कार ५० वर्ष अघिदेखि औपचारिकरुपमा बिक्री हुँदै आएको छ । २०१७ का लागि टोयोटाको ब्रान्ड भ्यालू ४६ अर्ब ३० करोड अमेरिकी डलर रहेको छ ।

२, बीएमडब्लू

जर्मन सवारी उत्पादक बीएमडब्लू २०१७ को उत्कृष्ट ब्रान्ड भ्यालू भएको कम्पनीको दोस्रो नंबरमा परेको छ जसको भ्यालू ३७ अर्ब १० करोड अमेरिकी डलर रहेको छ । बीएमडब्लू सन् १९१६ मा जर्मनीमा स्थापना भएको हो ।

३, मर्सिडिज-बेन्ज

जर्मन अटो जायन्ट डिमलर एजीका प्रमुख कार्यकारी अधिकृत डिटर जेटस्चर कम्पनीको वार्षिक प्रेस कन्फ्रेन्सका क्रममा मर्सिडिज-बेन्ज इक्यू कन्सेप्ट कारको अगाडीबाट हिँड्दै ।

मर्सिडिज-बेन्ज सन् १९२६ मा स्थापना भएको हो । प्रिमियम कार ब्रान्डको रुपमा आफ्नो पहिचान बनाएको जर्मन सवारी उत्पादक कम्पनी मर्सिडिको प्रख्याती विश्वभर नै रहेको छ । १० उत्कृष्ट ब्रान्ड भ्यालू भएको कम्पनीमा मर्सिडिज-बेन्ज ३५ अर्ब ५० करोड अमेरिकी डलरसहित तेस्रो स्थानमा रहेको छ ।

४, फक्सवागन

फक्सवागन पनि जर्मन सवारी उत्पादन कम्पनी हो । सन् १९३७ मा जर्मनीमा स्थापना भएको फक्सवागनका कार नेपाली बजारमा समेत लोकप्रिय रहेका छन् । २५ अर्ब अमेरिकी डलर ब्रान्ड भ्यालू भएको फक्सवागन उत्कृष्ट १० को चौथो स्थानमा रहेको छ ।

५, निसान

सन् १९३३ मा स्थापना भएको जापानी सवारी उत्पादक कम्पनी निसान उत्कृष्ट ब्रान्ड भ्यालू भएको १० कम्पनीको सुचीमा पाँचौं स्थानमा रहेको छ । २०१७ का लागि निसानको ब्रान्ड भ्यालू २४ अर्ब ८० करोड अमेरिकी डलर रहेको छ । निसानका सवारी नेपाली बजारमा आधिकारिक बिक्रेतामार्फत् नै विक्री हुँदै आएको छ ।

६, फोर्ड

फोर्ड अमेरिकाको लोप्रिय सवारी उत्पादक कम्पनी हो । यो कम्पनी सन् १९०३ मा स्थापना भएको हो । महंगो ब्रान्ड भ्यालू भएको कम्पनीको सुचीमा फोर्ट छैटौं स्थानमा रहेको छ । २०१७ का लागि फोर्डको ब्रान्ड भ्यालू २२ अर्ब ४० करोड अमेरिकी डलर रहेको छ । फोर्डका गाडी पनि नेपालमा आधिकारीक विक्रेता मार्फत नै बिक्री हुँदै आएको छ ।

७, होन्डा

जापानी कार निर्माता होन्डाका कार पनि विश्वभर नै लोकप्रिय रहेका छन् । सन् १९४८ मा स्थापना भएको होन्डा १० उत्कृष्ट ब्रान्ड भ्यालू भएको कम्पनीको सुचीमा सातौं स्थानमा रहेको छ । २०१७ का लागि होन्डाको ब्रान्ड भ्यालू २१ अर्ब ३० करोड अमेरिकी डलर रहेको छ ।

८, अडी

जर्मन प्रिमियम कार उत्पादक कम्पनी अडी सन् १९०९ मा स्थापना भएको हो । पश्चिमा विश्वमा लोकप्रिय भएपनि नेपालमा अडीका गाडीको खासै उपस्थिति देखिँदैन । १२ अर्ब ५० करोड अमेरिकी डलर ब्रान्ड भ्यालू रहेको अडी ८औं स्थानमा रहेको छ ।

९, पोस्र्च

अमेरिकाको लस एन्जलसमा भएको लस एन्जलस अटो शोमा २०१६ को नोभेम्बर १६ मा जर्मन सवारी उत्पादक कम्पनी पोस्र्च अटोमोबाइल होल्डीङले उत्पादन गरेको एसइ ९११ आरएसआर रेस कार सार्वजनिक गरिँदै ।

पोस्र्च कम्पनी सन् १९३१ मा जर्मनीमा स्थापना भएको हो । पोस्र्च मुख्य गरि रेसिङ कार उत्पादकको रुपमा चर्चित कार निर्माता कम्पनी हो । यो कम्पनी २०१७ को प्रमुख १० भ्यालूएवल ब्रान्डको ९औं स्थानमा रहेको छ । यसको ब्रान्ड भ्यालू १२ अर्ब ४० करोड अमेरिकी डलर रहेको छ ।

१०, सेब्रोले

अमेरिकी कार उत्पादक कम्पनी सेब्रोले सन् १९११ मा स्थापना भएको हो । विगतमा सेब्रोलेका गाडी नेपालमा आधिकारीक रुपमा आएपनि पछिल्लो समय आउन सकिरहेको छैन ।

अमेरिकाको चर्चित कार कम्पनी सेब्रोले २०१७ को १० उत्कृष्ट भ्यालूएवल ब्रान्डको १०औं स्थानमा रहेको छ । सेब्रोलेको ब्रान्ड भ्यालू ११ अर्ब ५० करोड अमेरिकी डलर रहेको छ ।