बार्षिक १८ लाख मेट्रिक टनभन्दा बढी चुनढुंगा उत्पादन हुँदै

क्लिकमान्डु
प्रकाशित मिति : २४ माघ २०७३, सोमबार १३:५५

काठमाडौं । नेपालमा वार्षिक १८ लाख टनभन्दा बढी चुनढुंगा उत्पादन हुने गरेको छ । सरकारबाट अनुमति लिएर देशका बिभिन्न स्थानमा २२ कम्पनीले सो परिमाणको चुनढुंगा उत्पादन गरिरहेका हुन् ।

खानी तथा भूगर्व विभागले दिएको जानकारी अनुसार चुनढुंगा उत्पादनको लागि सरकारबाट ३५ कम्पनीले अनुमति लिएका छन् । यसमध्ये २२ कम्पनीले अहिलेसम्म उत्पादन गरेका छन् ।

उत्पादन गर्ने कम्पनीहरुले बार्षिक १८ लाख ९ हजार २० टन चुनढुंगा उत्पादन गर्ने गरेका छन् । यस्तो चुनढुंगा सिमेन्ट बनाउने कच्चा पदार्थको रुपमा प्रयोग हुने गरेको छ ।

कम्पनीहरुले देशका बिभिन्न ४४ स्थानमा चुनढुंगा उत्पादनको अनुमति लिएका छन् । सबैभन्दा धेरै चुनढुंगा शिबम् सिमेन्टले उत्पादन गर्ने गरेको छ ।

चुनढुङ्गा उत्खन गर्ने कम्पनीहरुमा सबैभन्दा धेरै मकवानपुर जिल्लमा उद्योग रहेको शिवम् सिमेन्टले ७ लाख ५१ हजार मेट्रिक टन चुनढुङगा उत्खन गर्ने गरेको छ । सबैभन्दा कममात्रामा उदयपुर जिल्लामा उद्योग रहेको कसमस सिमेन्ट इन्डस्ट्रिजले ५० मेट्रिक टन उत्खन गर्ने गरेको छ ।

यी हुन् चुनढुंगा उत्पादन गर्ने कम्पनी र उत्पादन (परिमाणम मे.टनमा)

अन्नपूर्ण क्वरिज धादिङ ८७७७१.४

अर्घाखाँची सिमेन्ट अर्घाखाँची ३१७२.४९

बरदेहु सिमेन्ट एण्ड स्टोन इन्डस्ट्रीज ललितपुर १३१३२.६८

विश्वकर्मा माइन्स एण्ड मिनरल दाङ ९६८८९.६८

कसमस सिमेन्ट इन्डस्ट्रिज उदयपुर ५०

डोलोमाइट लाइमस्टोन उद्योग पाल्पा ११०१७.६

हेटौंडा सिमेन्ट धादिङ/मकवानपुर ११०९९.३२

कन्चन क्वारिज पाल्पा २९२९६.५२

लक्ष्मी सिमेन्ट उद्योग ललितपुर ४१५

मारुती सिमेन्ट सिन्धुली १३७९७१.०८

निगल सिमेन्ट धनकुटा ३४९२६.५