बीमांकीय मूल्यांकनबिना जीवन बीमा कम्पनीको नाफा ३ अर्ब ६ करोड, सबैभन्दा बढी नेपाल लाइफको

काठमाडौं । निजीक्षेत्रका १८ जीवन बीमा कम्पनीले गत आर्थिक वर्ष २०७५/७६ मा ३ अर्ब ६ करोड ३ लाख २० हजार ७३७ रुपैयाँ खुद नाफा आर्जन गरेका छन् ।

अघिल्लो आवको सोहि अवधिमा जीवन बीमा कम्पनीहरुको नाफा ४ अर्ब ४८ करोड ९२ लाख ३० हजार ६७१ रुपैयाँ रहेको थियो । यो अवधिमा बीमा कम्पनीहरुको नाफा घटेको देखिएपनि जीवन बीमा कम्पनीको बीमांकीय मूल््यांकनपछि खुद नाफा बढ्नेछ । जीवन बीमा कम्पनीहरुको नाफा अघिल्लो आवको बीमांकीय मूल्यांकन पछिको हो । अहिलेसम्म पनि जीवन बीमा कम्पनीको गत आवको बीमांकीय मूल्यांकन भएको छैन । मूल्यांकन नाफा बढने छ ।

गत आवमा सबै भन्दा बढी नाफा कमाउने बीमा कम्पनीमा नेपाल लाइफ इन्स्योरेन्स रहेको छ । ५२ करोड ३२ लाख ५९ हजार १२९ रुपैयाँ कमाएको छ । यस्तै नेशनल लाइफ इन्स्योरेन्सको नाफा ३३ करोड ६३ लाख ३८ हजार रुपैयाँ रहेको छ । वित्तीय विवरण सार्वजनिक गर्ने १८ वटा जीवन बीमा कम्पनी मध्ये सबै भन्दा कम रिलायन्स लाइफ इन्स्योरेन्स रहेको छ । रिलायन्सको २ करोड ९२ लाख १९ हजार रुपैयाँ मात्रै रहेको छ ।

पछिल्लो समयमा बीमा क्षेत्रमा १० वटा नयाँ कम्पनी थपिएका छन् । यसले बीमा बजारमा प्रतिस्पर्धा पनि बढाएको छ ।