इरानद्वारा पर्सियाली खाडीमा अमेरिकी तेल ट्यांकरलाई निशाना

एजेन्सी । इरानको अर्धसरकारी तस्निम समाचार एजेन्सीले उत्तरी पर्सियाको खाडीमा रहेको एक अमेरिकी तेल ट्यांकरमा इरानी सेनाले मिसाइल प्रहार गरेको रिपोर्ट गरेको छ ।

‘आज बिहान उत्तरी फारसको खाडीमा इस्लामिक रिभोलुसनरी गार्ड कर्प्स (आईआरजीसी) का सेनाहरूले ट्यांकरमा प्रहार गरेका थिए र अहिले यसमा आगो लागिरहेको छ,’ समाचार एजेन्सीले रिपोर्ट गरेको छ ।

यसबारे अमेरिकाबाट तत्काल कुनै प्रतिक्रिया आएको छैन । आईआरजीसीले यसअघि नै आफूले हर्मुज जलसंयोजकमा पूर्ण नियन्त्रण कायम राखेको र तेल तथा ग्यास निर्यातका लागि यसलाई प्रभावकारी रूपमा बन्द गरिदिएको बताएको थियो ।

उक्त साँघुरो जलक्षेत्रबाट ट्यांकरहरूलाई सुरक्षा दिएर लैजान अमेरिकी जलसेना परिचालन गर्न तयार रहेको ट्रम्पले मंगलबार बताएका थिए । त्यहाँबाट विश्वको करिब पाँच भागको एक भाग तेल ढुवानी हुने गर्दछ ।