सुनको मूल्य तोलामा १४ सयले बढ्दा अहिलेसम्मकै महँगो, १ तोला किन्न कति पैसा चाहिन्छ ?

काठमाडौं । आइतबार सुनको मूल्यले रेकर्ड राखेको छ ।

नेपाली बजारमा आज सुनको मूल्य तोलामा १४ सय रुपैयाँ बढेको हो । अघिल्लो कारोबा दिन तोलाको १ लाख ६६ हजार रुपैयाँ रहेको सुन यस दिन १ लाख ६७ हजार ४ सय रुपैयाँ पुगेको नेपाल सुनचाँदी व्यवसायी महासंघले जनाएको छ ।

यसअघि गत कात्तिक ७ गते सुनको मूल्य हालसम्मकै उच्च भएको थियो । उक्त दिन सुन प्रतितोला एक लाख ६६ हजार सात सय रुपैयाँमा कारोबार भएको थियो।

त्यस्तै चाँदीको मूल्य तोलामा १५ रुपैयाँ बढेको छ । अघिल्लो दिन २०७० रुपैयाँ रहेको चाँदी यस दिन २०८५ रुपैयाँ पुगेको छ ।