मनकामना जाने तीर्थालुहरु चढेको भ्यान दुर्घटना, ११ जना घाइते

काठमाडौं । काठमाडौंबाट चितवनको कुरिनटारतर्फ गरेको भ्यान शुक्रबार दिउँसो धादिङको थाक्रे गाउँपालिका ६ मा दुर्घटना हुँदा ११ यात्रु घाइते भएका छन् । दुर्घटनामा घाइते भएकाहरुको महादेबेशीस्थित टाइम्स केयर अस्पतमालमा उपचार भइरहेको छ ।

उनीहरुलाई महादेवबेशी प्रहरी र स्थानीयहरुले उद्धार गरेका थिए । दुर्घटनामा ९ जना यात्रुलाई सामान्य चोट लागेको थियो ।

बागमती प्रदेश ०१–०३० च ७६५९ नम्बरको विद्युतीय भ्यान करिब साढे १ बजेतिर गुडिरहेको अवस्थामा सडकबाट तल खसेको थियो ।

मनकामना मन्दिर दर्शनका लागि रिजर्भ गरी त्यसतर्फ जाने क्रममा भ्यान दुर्घटनामा परेको महादेवबेशी प्रहरीले जनाएको छ । मनकामना केबलकार मर्मतका कारण लामो समयसम्म केबलकार बन्द भएर खुलाएपछि मनकामना मन्दिर जाने तीर्थालुहरुको संख्या पछिल्लो समय बढेको छ ।