ईभी बिक्रेतालाई चार्जिङ स्टेसन बनाउन प्राधिकरणको प्रोत्साहन, १०० प्रतिशत नाफा दिने
![](https://clickmandu.com/wp-content/uploads/2024/05/charging-station-nea-final.png)
काठमाडौं । नेपाल विद्युत् प्राधिकरणले विद्युतीय सवारीसाधन (ईभी) व्यवसायीहरुलाई बिक्री अनुसारको चार्जिङ पूर्वाधार निर्माण गर्न निर्देशन दिएको छ ।
विद्युत प्राधिकरणले सबै ईभी बिक्रेतालाई आफ्ना सवारीसाधनलाई चार्ज गर्न पुग्ने पूर्वाधार निर्माण गर्न निर्देशन दिएको हो । चार्जिङ पूर्वाधार अभाव हुन थालेपछि प्राधिकरणले निजी क्षेत्रलाई चार्जिङ स्टेसन निर्माण गर्न निर्देशन दिएको हो ।
नेपाल विद्युत् प्राधिकरणका प्रबन्ध निर्देशक कुलमान घिसिङले ईभी बेच्ने कम्पनीले नै पूर्वाधार बनाउनुपर्ने बताए । त्यसका लागि प्राधिकरणले सहजीकरण गरिरहेको उनको भनाइ छ ।
विद्युत् प्राधिकरणले उपत्यकामा ७ सहित ५१ वटा फाष्ट चार्जिङ स्टेसन निर्माण गरेर सञ्चालनमा ल्याएको छ । ऊर्जा,जलस्रोत तथा सिंचाई मन्त्रालयले सिंहदरबारभित्र ५ चार्जिङ स्टेसन सञ्चालनमा ल्याएको छ । निजी क्षेत्रसहित साना ठूला गरी करिब ४०० चार्जिङ स्टेसनले अनुमति लिएर सञ्चालनमा रहेको प्राधिकरणले जनाएको छ । तर यो पूर्वाधार अभाव हुन थालेको प्राधिकरणको निष्कर्ष छ ।
![](https://clickmandu.com/wp-content/uploads/2024/05/nea-768x577.jpg)
नेपाल विद्युत प्राधिकरणका उपकार्यकारी निर्देशक मनोज सिलवालले सधैं भरी प्राधिकरणले चार्जिङ स्टेसन निर्माण गरेर बस्न नसक्ने बताए ।
‘प्राधिकरणले त बिजुली बेच्ने हो । हामीले प्रोत्साहन गर्नका लागि सुरुमा निर्माण गरेर सञ्चालनमा ल्याएका हौं,’ उनले भने, ‘यसमा निजी क्षेत्र आउनुपर्छ । हामीले सहजीकरण गरिरहेका छौं । सहुलियत दिइरहेका छौं । पूर्वाधार निजी क्षेत्रले नै बनाउने हो । ‘
उनका अनुसार निजी क्षेत्रले एउटा चार्जिङ स्टेसन निर्माण गर्दा प्राधिकरणले २० देखि २५ लाख रुपैयाँसम्म खर्च गर्ने गरेको छ ।
‘ २०० केभीको ट्रान्सफर्मर दिइरहेका छौं । लाइनहरु बनाइदिरहेका छौं,’ उनले भने, ‘अरुलाई १० रुपैयाँभन्दा प्रतियुनिट शुल्क लिइरहेका छौं । चार्जिङ स्टेसनलाई ५ रुपैयाँदेखि दिइरहेका छौं ।
उनका अनुसार प्राधिकरणले चार्जिङ स्टेसन प्रवर्द्धनका लागि यो भन्दा ठूलो भुमिका खेल्न सक्दैन । ‘यो हाम्रो मुख्य व्यवसाय होइन । हामीले चार्जिङ स्टेसन थपिरहने होइन । हामीले त प्रवर्द्धनका लागि निजी क्षेत्रलाई सहुलियत दिने हो । ईभी बिक्रेताले नै पूर्वाधार बनाउनुपर्छ,’ उनले भने ।
![](https://clickmandu.com/wp-content/uploads/2024/03/ev-charging-stations2-768x403.png)
‘निजी चार्जिङ सञ्चालकको मार्जिन बढाउन सिफारिस’
अहिले निजी ईभी चार्जिङ स्टेसन सञ्चालकले नेपाल विद्युत प्राधिकरणले तोकेको महसुलमा २० प्रतिशत मार्जिन पाउँछन् अर्थात २० प्रतिशतसम्म बढी लिन पाउछन् ।
२० प्रतिशतले लगानी नै नउठ्ने गुनासो बढेपछि उपकार्यकारी निर्देशक सिलवालको संयोजकत्वमा कमिटी बनेको थियो । कमिटीले शतप्रतिशत मार्जिन दिनुपर्ने सुझाव दिएको छ । अहिलेको मूल्यमा २ रुपैयाँसम्म बढाउने र शतप्रतिशत मार्जिन दिए मात्रै निजी क्षेत्र आकर्षित हुने प्रतिवेदनको निष्कर्ष छ । शतप्रतिशत मार्जिन दिए ५ वर्षमा निजी क्षेत्रले आफ्नो लगानी उठाउन सक्ने उल्लेख छ ।
तल्लो भोल्टेजमा डिमाण्ड शुल्क नलाग्ने टायम अफ डे चार्जीङ स्टेसन यातायात उपभोक्ताको प्रस्तावित विद्युत महशुल
बैशाखदेखि मंसिरसम्मको विद्युत महसुल दर | |
विवरण | इनर्जी शुल्क ( प्रति किलोवाट घण्टा युनिट रुपैयाँमा) |
हालको विद्युत् महसुल दर | प्रस्तावित विद्युत महसुल दर | |||||
तल्लो भोल्टेज (२३०-४०० भोल्ट) | पिक समय (साँझ ५ वजेदेखि राती ११ वजेसम्म) | (राती ११ बजेदेखि विहान ५ बजेसम्म) | अन्य समय (विहान ५ बजेदेखि साँझ ५ बजेसम्म) | पीक समय (साँझ ५ बजेदेखि राती ११ बजेसम्म) | राती ११ बजेदेखि विहान ५ बजेसम्म | अन्य समय (विहान ५ बजेदेखि साँज ५ बजेसम्म) |
७.२५ | ४.३० | ५.७५ | ९.२५ | ६ | ७.८० | |
नोट: प्रस्तावित मुल्यमा १०० प्रतिशत मुल्य थप गरि त्यसलाई उच्चतम दर मानी निजि चार्जिङ स्टेसन संचालकहरुले उपभोक्ताहरुलाई प्रतिस्पर्धी मुल्यमा दर घटाएर विद्युत बेच्न सक्छन् । यसरी प्रस्तावित विद्युत महशुल दरको अन्य उपभोक्ता वर्गमा वेटेज एभरेज गर्दा ८.२५ रुपैयाँ प्रतियुनिट हुने देखिन्छ । चार्जिङ स्टेसन संचालकले अधिकतम १६.५० रुपैयाँ प्रति युनिटमा उपभोक्ताहरुलाई विद्युत शक्ति बेच्न सक्छन् । यस प्रतिवेदनमा यहि मुल्य लाई आधार मानेर हिसाब गरिएको छ । |
मंसिरदेखि चैत्रसम्मको विद्युत महसुल दर | ||||
विवरण | इनर्जी शुल्क (प्रतिकिलोवाट घण्टा युनिट रुपैयाँमा) | |||
हालको विद्युत् महसुल दर | प्रस्तावित विद्युत् महसुल दर | |||
तल्लो भोल्टेज (२३०-४०० भोल्ट ) | पिक समय (साँझ ५ बजेदेखि राती ११ बजेसम्म ) | अन्य समय (राती ११ बजेदेखि भोलिपल्ट साँझ ५ बजेसम्म) | पिक समय (साँझ ५ बजेदेखि राती ११ बजेसम्म ) | अन्य समय (राती ११ बजेदखि भोलिपल्ट साँझ ५ बजेसम्म ) |
७.२५ | ५.७५ | ९.२५ | ७.८० | |
नोट: प्रस्तावित मुल्यमा १०० प्रतिशत मुल्य थप गरि त्यसलाई उच्चतम दर मानी निजी चार्जिङ स्टेसन संचालकहरुले उपभोक्ताहरुलाई प्रतिस्पर्धी मुल्यमा दर घटाएर विद्युत वेच्न सक्छन् । यसरी प्रस्तावित विद्युत महसुल दरको अन्य उपभोक्ता वर्गमा वेटेज एभरेज गर्दा ८.२५ रुपैयाँ प्रतियुनिट हुने देखिन्छ । चार्जिङ स्टेसन संचालकले अधिकतम १६.५० प्रतियुनिटमा उपभोक्ताहरुलाई विद्युत शक्ति बेच्न सक्छन् । यस प्रतिवेदनमा यहि मुल्य लाई आधार मानेर हिसाब गरिएको छ । |
यो प्रस्ताव प्राधिकरणको सञ्चालक समितिमा पुगेको छ । यो प्रतिवेदन कार्यान्वयन भए चार्जिङ स्टेसन सञ्चालकले प्रतियुनिट औसत ८.२५ रुपैयाँ लिन पाउछन् भने अधिकतम १६.५० रुपैयाँ लिन पाउनेछन् । प्राधिकरणको सञ्चालक समितिले निर्णय गरेपछि विद्युत नियमन आयोगले स्वीकृति दिनुपर्छ । आयोगले स्वीकृति नदिएसम्म महसुल बढाउन पाइँदैन ।
थप समाचार
चार्जिङ स्टेसन मर्मतका लागि प्राधिकरणले बनाउँदैछ ३ सर्भिस स्टेसन, गाडी र इन्जिनियर स्ट्याण्डवाई रहने
५०० वटा ईभी चार्जिङ स्टेसन निर्माण गर्ने तयारीमा प्राधिकरण, अर्थसँग २ अर्ब स्रोत सुनिश्चितता माग