पोखरामा एटीएम फोडेर पैसा चोर्न खोज्ने भारतीय पक्राउ

पोखरा । एटीएम मेसिन फोडेर पैसा चोर्न खोज्ने एक जना भारतीय नागरिक पक्राउ परेका छन् ।

पोखरा ८ सभागृहमा रहेको नविल बैंकको एटीएम फोड्न लाग्दा भारत घर भइ पोखरा बस्ने बबि ठाकुर पक्राउ परेका हुन् ।

मेसिनको ढोकाको लक खोलेर मेसिन फोड्न लाग्दा ठाकुर पक्राउ परेका हुन् । उनी पोखरा नयाँ बजारमा सैलुन पसल चलाएर बसेका थिए ।

उनको साथबाट रड, पेचकस, कैंची लगायत बरामद भएको छ । उनलाई नियन्त्रणमा लिएर अनुसन्धान भइरहेको प्रहरीले जनाएको छ ।