भूकम्पप्रभावितलाई ज्योति विकास बैंकको ५ लाख सहयोग

काठमाडौं । ज्योति विकास बैंकले जाजरकोट भूकम्पप्रभावितलाई ५ लाख रुपैयाँ सहयोग गरेको छ । बैंकले भूकम्पप्रभावितको उद्धार तथा सहयोगार्थ जिल्ला प्रशासन कार्यालय जाजरकोटसँगको समन्वयमा आर्थिक सहयोग गरेको हो ।

बैंकले मंगलबार जाजरकोट जिल्ला प्रशासन कार्यालयको भूकम्पप्रभावित राहत कोषमा ५ लाख सहयोग गरेको छ । सहयोग रकम ज्योति विकास बैंकका जाजरकोट शाखा प्रबन्धक वीरेन्द्रबहादुर ऐडीले प्रमुख जिल्ला अधिकारी सुरेश सुनारलाई हस्तान्तरण गरेका छन् ।

ज्योति विकास बैंकले जाजरकोटस्थित शाखामार्फत सरल वित्तीय सेवाका साथै संस्थागत सामाजिक उत्तरदायित्वका कार्यक्रममार्फत विभिन्न क्षेत्रमा समन्वय र सहयोग गर्दै आएको छ ।

ज्योति विकास बैंकले हाल १२१ शाखा कार्यालय, ३ विस्तारित काउन्टर र ७५ एटीएममार्फत सेवा उपलब्ध गराउँदै आएको छ ।