सानिमा बैंकले सीईओलाई दियो १ करोड १४ लाख तलब भत्ता

काठमाडौं । सानिमा बैंकले गत आर्थिक वर्ष प्रमुख कार्यकारी अधिकृत (सीईओ) लाई १ करोड १४ लाख ५६ हजार रुपैयाँ तलब भत्ता भुक्तानी गरेको छ ।

सीईओलाई दिएको १ करोड १४ लाख ५६ हजार रुपैयाँ तलब भत्ता दिएकोमा अल्पकालीन कर्मचारी लाभ बापत ९६ लाख, चाडपर्व भत्ता र वार्षिक विदा बापत भुक्तानी ८ लाख, रोजगारी पछिको लाभ १० लाख ५६ हजार रुपैयाँ रहेको छ ।

बैंकले सीईओलाई अन्य भत्ता भने नदिएको जनाएको छ । बैंकले इन्धन, स्वास्थ्य चिकित्सा सुविधा जस्ता गैर नगद लाभहरु समेत मुख्य व्यवस्थापक कर्मचारीहरुलाई प्रदान गर्ने गरेको जनाएको छ । बैंकले सीईओ निश्चल राज पाण्डेलाई दिएको तलब भत्ताबाट ३९ प्रतिशत कर तिर्ने गरेका छन् ।