फोन पेबाट बिजुलीको बिल तिर्ने अनुपले जिते आईफोन १३

काठमाडौं । भुक्तानी प्रणाली संचालक, फोनपे ले “फोनपे गर्ने हो, बिजुली को बिल तिर्दा आईफोन १३ जित्ने हो” नामक योजना अन्तर्गत, एक बिजेताको घोषणा गरेको छ ।

उक्त योजना गत जेष्ठ महिना भरि लागू गरिएको थियो । यस योजनाले हजारौँको संख्यामा ग्राहकहरुको सहभागिता देख्नाका साथ साथै देशव्यापी रुप मै सकारात्मक प्रतिकिया प्राप्त गरेको थियो ।

यस योजनामा आफ्नो सहभागिता जनाउन, ग्राहकहरुले तोकिएको अबधिभर, बिजुलीको बिल तिर्दा आफ्नो मोबाइल बैंकिङ एपमा गई फोनपेको बिल भुक्तानी सेवा प्रयोग गर्नुपर्ने सर्त लागु गरिएको थियो ।

नेपाल विद्युत प्राधिकरणको कार्यलयमा साउन ११ गते , यस योजनाका भाग्यशाली बिजेता अनुप सिकर्मीलाई आईफोन १३ मिनी हस्तान्तरण गरिएको थियो ।

उपहारको हस्तान्तरण प्राधिकरणका प्रबन्ध निर्देशक कुलमान घिसिङले गरेका थिए ।

घिसिङले बिजेतालाई बधाई दिनुको साथ साथै फोनपे ले नेपाल मा विद्युती भुक्तानीलाई प्रवर्धन गर्न चालिरहेको विभिन्न कदमहरुको पनि प्रसंशा गरेका थिए ।

फोनपेका प्रमुख कार्यकारी अधिकृत दिवस कुमारले संस्थाको लक्ष्य सम्पूर्ण नेपाली ग्राहकहरुलाई विद्युतीय भुक्तानी प्रणालीमा प्रवेश गराई विभिन्न सुविधाहरु थप्दै जाने भएको बताए ।