काठमाडौं–२ : राष्ट्रिय स्वतन्त्र पार्टीकी सोविताको अग्रता, ओनसरी तेस्रो

काठमाडौं । मंसिर ४ मा भएको प्रतिनिधि सभा निर्वाचनमा काठमाडौं- २ मा राष्ट्रिय स्वतन्त्र पार्टीले अग्रता कायम राखेको छ ।

उक्त क्षेत्रबाट उम्मेदवार रहेकी सोविता गौतमले अग्रता लिएकी हुन् । ८ सयको गणना हुँदा गौतमले २७८ मत पाएकी छन् ।

नेकपा एमाले दोस्रो स्थानमा देखिएको छ । एमाले उम्मेदवार मणिराम फुयालले १६६ मत पाएका छन् ।

गठबन्धनकातर्फबाट यो क्षेत्रबाट उम्मेदवार रहेकी नेकपा माओवादी केन्द्रकी ओनसरी घर्ती मगर भने तेस्रो स्थानमा छिन् । उनले १२८ मत ल्याएकी छिन् । चौथो स्थानमा राप्रपाकी कुन्ती पोखरेल ७८ मतसहित रहेकी छन् ।