खर्च बढ्दा वाणिज्य बैंकको नाफा बढेन, ९ महिनामा ५१ अर्ब नाफा 

काठमाडौं । खर्च बढ्दा वाणिज्य बैंकहरुको नाफा स्थिर देखिएको छ । सञ्चालनमा रहेका २७ वटा वाणिज्य बैंकले प्रकाशित गरेको तेस्रो त्रैमासको वित्तीय विवरण अनुसार ५० अर्ब ८९ करोड नाफा रहेको छ । अघिल्लो वर्ष चैत मसान्तमा वाणिज्य बैंकको नाफा ५० अर्ब ५९ करोड थियो ।

२७ वटा वाणिज्य बैंकमा यो पटक सबैभन्दा बढी नाफा गर्नेमा ग्लोबल आइएमई बैंक अगाडि छ । ग्लोबल आइएमई बैंकले ३ अर्ब ७२ करोड नाफा कमाएर पहिलो स्थानमा छ ।

१५ वटा बढ्यो,सेञ्चुरीको सबैभन्दा बढी

चैत मसान्तको वित्तीय विवरणमा १५ वटा वाणिज्य बैंकले नाफा बढाएका छन् । अघिल्लो वर्षको तुलनामा सबैभन्दा बढी नाफा बढाउनेमा सेञ्चुरी बैंक छ । सेञ्चुरीले ६६ करोडले नाफा बढाएर १ अर्ब १ करोड नाफा गरेको छ ।

एनआईसीले ६० करोड नाफा बढाएर ३ अर्ब ६० करोड नाफा गरेको छ । एनआईसी एशिया नाफा बढी गर्नेमा दोस्रो स्थानमा छ । यस्तै सिभिलले ४० करोडले नाफा बढाएर ९० करोड नाफा गरेको छ । एनसीसीले ३८ करोडले नाफा बढाएर १ अर्ब ४८ करोड नाफा गरेको छ । स्टाण्डर्ड चार्टर्ड बैंकले ४४ करोडले नाफा बढाएर १ अर्ब ६२ करोड नाफा गरेको छ ।

नाफा बढाउने बैंकमा हिमालयन बैंक ११ करोडले बढेर १ अर्ब ३९ करोड,माछापुच्छ्रे २६ करोडले बढाएर १ अर्ब ५५ करोड,सनराइज १४ करोडले बढाएर १ अर्ब २७ करोड,मेगा ४ करोडले बढाएर २ अर्ब १ करोड,ग्लोबल १५ करोडले बढाएर ३ अर्ब ७२ करोड,सिद्धार्थ २ करोडले बढाएर २ अर्ब ८ करोड नाफा गरेका छन् ।

एनएमबि बैंक १५ करोडले नाफा बढाएर २ अर्ब ६६ करोड,सिटिजन्स ४ करोडले बढाएर १ अर्ब ५८ करोड तथा एभरेष्ट १ करोडले बढाएर १ अर्ब ५१ करोड नाफा गरेका छन् ।

१७ बैंकको घट्यो,वाणिज्य बैंकको सबैभन्दा बढी

१७ वाणिज्य बैंकको नाफा घटेको छ । जसमा सबैभन्दा बढी सरकारी लगानीको राष्ट्रिय वाणिज्य बैंक छ । राष्ट्रिय वाणिज्य बैंकको अघिल्लो वर्षभन्दा ६६ करोडले नाफा घटेर २ अर्ब ६१ करोडमा झरेको छ ।

एनबी ५२ करोडले नाफा घटेर १ अर्ब ११ करोड,लक्ष्मी ४३ करोडले घटेर ८५ करोड,प्रभु ३५ करोडले घटेर १ अर्ब ७५ करोड नाफा गरेका छन् ।

बैंक अफ काठमाण्डू २९ करोडले घटेर ८७ करोड तथा,सानिमा २६ करोडले घटेर १ अर्ब ५९ करोड,इनभेष्टमेन्ट ३७ करोडले घटेर २ अर्ब ४७ करोड,नबिल ३२ करोडले घटेर ३ अर्ब ३५,कृषि विकास १७ करोडले घटेर १ अर्ब ९० करोड नाफा छ ।

प्राइम ९ करोडले २ अर्ब ७२ करोड नाफा छ । कुमारीको भने केही लाखले मात्र नाफा घटेको छ ।

वाणिज्य बैंकहरुको नाफा रकम करोडमा

बैंक	नाफा २०७८ चैत	नाफा २०७७ चैत	फरक
हिमालयन	139	128	11
एनसीसी	148	110	38
लक्ष्मी	85	128	-43
प्रभु	175	210	-35
एनबी	111	163	-52
सेञ्चुरी	101	35	66
एसबिआई	130	87	43
बिओके	87	116	-29
सिभिल	90	50	40
माछापुच्छ्रे	155	129	26
सनराइज	127	113	14
सानिमा	159	185	-26
मेगा	201	197	4
चार्टर्ड	162	118	44
इन्भेष्टमेन्ट	247	284	-37
नेपाल	219	226	-7
नबिल	335	367	-32
ग्लोबल	372	357	15
राष्ट्रिय वाणिज्य	261	327	-66
सिद्धार्थ	208	206	2
कृषि विकास	190	207	-17
एनमबि	266	251	15
एनआईसी	360	300	60
प्राइम	272	281	-9
कुमारी	180	180	0
सिटिजन्स	158	154	4
एभरेष्ट	151	150	1