नबिल बैंकको नाफा २ अर्ब १८ करोड, अन्य सूचकमा के-के देखियो सुधार ?

काठमाडौं । नबिल बैंकले चालु आर्थिक वर्षको ६ महिनामा नाफा ८.२० प्रतिशतले बढाएर २ अर्ब १८ करोड १४ लाख २० हजार रुपैयाँ कमाएकाे छ ।

गत आवको सोही अवधिमा बैंकको नाफा २ अर्ब १ करोड ६० लाख २३ हजार रूपैयाँ रहेको थियो । पुस मसान्तसम्म बैंकको वितरणयोग्य नाफा १ अर्ब ४५ करोड ८ लाख ६० हजार रुपैयाँ रहेको छ ।

बैकको खुद व्याज आम्दानी सञ्चालन मुनाफामा आएको सुधारले नाफा बढको छ । गत आवमा ३ अर्ब १२ करोड २६ लाख ३९ हजार रूपैयाँ रहेको खुद ब्याज आम्दानी अहिले बढेर ४ अर्ब २१ करोड ९६ लाख १८ हजार रूपैयाँ पुगेको छ । यस्तै सञ्चालन गत आवको तुलनामा बढेर ३ अर्ब ११ करोड ५३ लाख ८९ हजार रूपैयाँ पुगेको छ । गत आवको सोही अवधिमा २ अर्ब ८६ करोड ८५ लाख ७७ हजार रूपैयाँ सञ्चालन मुनाफा गरेको थियो ।

१८ अर्ब ४९ करोड ६१ लाख ८७ हजार रुपैयाँ चुक्ता पुँजी रहेको बैंकको जगेडा कोषमा १४ अर्ब ६२ करोड ६४ लाख ८४ हजार रुपैयाँ रहेको छ । बैंकको खराब कर्जा ०.६० प्रतिशतबाट बढेर १.११ प्रतिशतले पुगेको भने प्रतिसेयर आम्दानी २३ रुपैयाँ ५९ पैसा र प्रतिसेयर नेटवर्थ १८४ रुपैयाँ २८ पैसा रहेको छ ।