पेट्रोल, डिजल, मट्टितेल, हवाई इन्धन र ग्यासको मूल्य बढ्यो

काठमाडौं । नेपाल आयल निगमले पेट्रोलियम पदार्थको मूल्य बढाएको छ । निगमले पेट्रोल, मट्टितेल र डिजलको मूल्य प्रतिलिटर २ रुपैयाँले बढाएको छ ।

नयाँ मूल्यअनुसार पेट्रोल प्रतिलिटर १२९ रुपैयाँ, डिजल र मट्टितेल प्रतिलिटर ११२ रुपैयाँ पुगेको छ ।

त्यसैगरी आन्तरिकतर्फ हवाई इन्धन प्रतिलिटर २ रुपैयाँ बढेर ८४ रुपैयाँ र अन्तर्राष्ट्रियतर्फको हवाई इन्धनको मूल्य १९ डलरले बढेर प्रतिकिलोलिटर ७५४ डलर पुगेको छ ।

त्यसैगरी खाना पकाउन प्रयोग हुने प्रतिसिलिन्डर २५ रुपैयाँले बढेर १४२५ रुपैयाँ कायम भएको छ ।