पेट्रोल, डिजल, मट्टितेल र हवाई इन्धनको मूल्य बढ्यो

काठमाडौं । नेपाल आयल निगमले पेट्रोलियम पदार्थको मूल्य बढाएको छ ।

निगमका अनुसार पेट्रोल, डिजल र मट्टितेलमा प्रतिलिटर २ रुपैयाँका दरले मूल्य बढाइएको हो । अब पेट्रोलको मूल्य प्रतिलिटर १२३ रुपैयाँ, डिजल र मट्टितेल प्रतिलिटर १०६ रुपैयाँ कायम भएको छ । साथै हवाई इन्धन प्रतिलिटर ७८ रुपैयाँ कायम भएको छ ।

मूल्य बढाउँदा पनि  अझै पनि ५४ करोड घाटा भएको निगमको भनाइ छ ।

निगमले आज राति १२ बजेदेखि लागू हुने गरी मूल्य बढाएको हो ।