क्लियर टिभीमा लक्ष्मी फिल्मको प्रिमियर सो हुँदै

काठमाडौं । अब घर मै बसि क्लियर टिभीको मुभी अन डिमाण्डबाट बिभिन्न फिल्म हेर्न सकिने भएको छ ।

नेपालको एक अग्रणी केबल टेलिभिजन, इन्टरनेट र नेटवर्क सेवा प्रदायक कम्पनी सुबिसु केबलनेट प्रालिले क्लियर टिभीमार्फत् ग्राहकवर्गहरुका निम्ति लक्ष्मी फिल्मको प्रिमियर सो १६ नोभेम्बरमा गर्दैछ ।

क्लियर टिभीले च्यानल नं १११(एच डि) र ११२ (एस डि) मा मुभी अन डिमाण्डको औपचारिक सुरुवात लक्ष्मी फिल्मको प्रिमियर सो बाटगर्दैछ ।

यस च्यानल मार्फत ग्राहकहरुले सो फिल्म आफ्नै घरमा बसि हेर्न सक्नुहुनेछ भने भबिष्यमा थुप्रै फिल्महरु हेर्न सकिने छ ।

ग्राहकवर्गहरुले फिल्म हेर्नका लागि आफनो नजिकको क्लियर टिभी सेवा प्रदायकमा सम्पर्क गर्न सक्नु हुनेछ वा वेवसाइटबाट फिल्मसम्बन्धी एवम्ं सेवा सम्बन्धी थप जानकारी लिन सकिनेछ ।

विद्यमान परिस्थितिमा बाहिर गई फिल्म हेर्ने अवस्था नभएको र मनोरञ्जन लाई प्राथमिकता दिँदै कम्पनीले यो सेवा सुचारु गरेको छ ।