सुनको मूल्य प्रतितोला ८ सयले घट्यो

काठमाडौं । मंगलबार प्रतितोला ८ सय रुपैयाँले बढेको सुन बुधबार प्रतितोला ८ सय रुपैयाँले घटेको छ । मंगलबार ९४ हजार ९ सय रूपैयाँमा छापावाला सुन खरिद बिक्री भएको थियो ।

आज छापावाला सुनको प्रतितोला ९४ हजार १ सय रूपैयाँमा खरिद बिक्रि भएको नेपाल सुनचाँदी व्यवसायी संघले जनाएको छ ।

त्यसैगरी, तेजावी सुनको प्रति तोलाको मूल्य ९३ हजार ६ रुपैयाँ रहेको छ । साथै, चाँदी प्रतितोला ११ सय ७५ रुपैयाँमा खरिद बिक्रि भइरहेको छ ।