बुधबार थप ६२९ जना भेटिए कोरोना संक्रमित, कुल २३३८ जना निको भए

काठमाडौं । बुधबार नेपालमा पछिल्लो २४ घण्टामा ६२९ जना कोरोना संक्रमित भेटिएका छन् । स्वास्थ्य मन्त्रालयका प्रवक्ता डा. जागेश्वर गौतमका अनुसार पछिल्लो कुल संक्रमितको संख्या १० हजार ७२८ पुगेको छ ।

त्यसैगरी उपचारपछि निको हुनेमा पछिल्लो २४ घण्टामा ११४ जना छन् भने कुल संख्या २ हजार ३३८ पुगेको छ ।

हालसम्म मृत्यु हुने कोरोना संक्रमितको संख्या २४ छ ।