काठमाडौं। एटीएम बुथ नभएका बैंकका शाखाहरु सीमित अवधिका लागि खुल्ने भएका छन्।
नेपाल बैंकर्स संघको बुधबार बसेको बैठकले एटीएम नभएका शाखा हरेक दिन ११ बजेदेखि १ बजेसम्म शाखा खोलेर बैंकिङ सेवा प्रदान गर्ने निर्णय गरेको छ । तर, यसरी शाखा खोल्दा स्थानीय सरकारसँग समन्वय गरेर खोल्नुपर्ने छ ।
संकटको अवस्थामा सर्वसाधारणले बैंकमा राखेको पैसा झिक्न पाउन् भन्ने उद्देश्यले एटीएम नभएका शाखा खोल्ने निर्णय गरिएको बैंकर्स संघका अध्यक्ष भुवन दाहालले क्लिकमाण्डूलाई जानकारी दिए ।
एटीएम भएका शाखाहरु भने बन्द हुने छन्। एटीएम बुथहरु सञ्चालन हुने छ। बैंकहरुले एटीएममा नियमितरुपमा पैसा हाल्ने छन्।
शाखा कार्यालय बन्द भएका बैंकहरुले त्यहाँको ब्राञ्च म्यानेजर र सेकेन्ड म्यानको नाम, नम्बरलगायतका विवरण सबैले देखिने ठाउँमा राख्नु पर्ने छ। बैंकहरुले आफ्नो वेवसाइटमा पनि यस्तो सूचना राख्नुपर्ने निर्णय भएको छ । जसअनुसार सर्वसाधारणले ब्राञ्च म्यानेजरलाई सम्पर्क गरेर बैंकको शाखामा जाने वा अन्य किसिमले कारोबार गर्न सक्नेछन् ।
यस्तो संकटको अवस्थामा बाहिरबाट सामानहरु ल्याउनुपर्ने भएकाले बैंकहरुले एलसी, ग्यारेन्टी, ट्रेजरीजस्ता सेवाहरु मूख्य कार्यालय र तोकिएको शाखाबाट दिनेछन् ।
बैंकर्स संघको बैठक डिजिटल बसेको अध्यक्ष दाहालले जानकारी दिए ।
अहिले बैक तथा वित्तीय संस्थामा साढे ३ एटीएम सञ्चालनमा छन्।
एटीएम भएकै ठाउँमा पनि कसैलाई अत्यावश्यक परेको अवस्थामा ब्राञ्च म्यानेजरलाई सम्पर्क गर्नुपर्ने हुन्छ । र, स्थानीय प्रशासनले अनुमति दिएको खण्डमा निश्चित समय खोलेर सेवा दिइने उनले जानकारी बताए ।
यसरी खोलिएका शाखामा काम गर्ने कर्मचारीको सुरक्षाका लागि मास्क, स्यानिटाइजर लगायतको व्यवस्था स्थानीय सरकारसँगको सहकार्यमा पर्नुपर्नेछ । शाखा २ देखि ३ जना कर्मचारीले चलाउने छन।
काठमाडौं उपत्यकाका हकमा भने बैंकहरुले ३ वटै पिजल्लामा गरेर कम्तिमा ३ वटादेखि ६ / ७ वटासम्म शाखाहरु सञ्चालनमा ल्याउने छन् । त्यसका लागि बैंकहरुले जिल्ला प्रशासन कार्यालयबाट पास लिइसकेको छन् ।
प्रतिक्रिया