एकैदिन १० हजार १ सय रुपैयाँले घट्यो सुनको मूल्य, चाँदीको मूल्यमा पनि गिरावट

काठमाडौं । बुधबार नेपाली बजारमा सुनचाँदीको मूल्यमा गिरावट आएको छ । 

यस दिन सुनको मूल्य प्रतितोला १० हजार १ सय रुपैयाँले घटेको छ भने चाँदीको मूल्य प्रतितोला १ सय ८५ रुपैयाँले घटेको छ ।

बुधबार सुन प्रतितोला २ लाख ९१ हजार ८ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । मंगलबार सुन प्रतितोला ३ लाख १ हजार ९ सय रुपैयाँमा कारोबार भएको थियो । 

मंगलबार ४ हजार ९ सय २५ रुपैयाँ प्रतितोलामा कारोबार भएको चाँदीको मूल्य बुधबार प्रतितोला ४ हजार ७ सय ४० रुपैयाँ कायम भएको छ ।