काठमाडौं । पोखरा अन्तर्राष्ट्रिय विमानस्थलबाट काठमाडौंको लागि उड्न लागेको बुद्ध एयरको विमानमा चरा ठोक्किएको छ ।
उडान भर्ने क्रममा रनवेबाट जमिन छाड्ने क्रममा विमानमा शनिबार बिहान चरा ठोक्किएको थियो।
विमानस्थलकी सूचना अधिकारी जसोदा सुवेदीका अनुसार विहान करिब १० बजेको समयमा उड्न लागेको विमानमा चरा ठोक्किएको थियो ।
उनका अनुसार चरा ठोक्किएपछि सुरक्षा प्रोटोकल अनुसार विमान उडाउन नमिल्ने भएपछि पाइलटले तत्कालै विमानलाई पार्किङमा फर्काएको र विमानमा रहेका यात्रुहरुलाई कम्पनीको अर्को विमानमा राखेर काठमाडौं पठाइएको थियो ।
चरा ठोक्किएर विमानमा केही क्षती नपुगेको र यो सामान्य घटना रहेको भएपनि सुरक्षा प्रोटोकल अनुसार विमानको प्राविधिकले परिक्षण गरेपछि मात्र उडानका लागि अनुमति दिइने उनले जानकारी दिइन।
पोखरामा चरा धेरै आइरहने भएकाले यो सामान्य घटना रहेको उनले बताइन्।
प्रतिक्रिया