राजावादीको आन्दोलनमा आगजनी, तोडफोड गर्ने थप १८ जना पक्राउ

काठमाडौं । चैत १५ गते काठमाडौंको तीनकुने राजावादीले गरेको आन्दोलनमा आगजनी, तोडफोड गर्ने थप १८ जना पक्राउ परेका छन् ।

१८ जनालाई प्रहरी परिसर काठमाडौंले विभिन्न स्थानबाट पक्राउ गरेको जनाएको छ । शान्तिपूर्ण प्रदर्शनको लागि पूर्व अनुमति लिई नवराज सुवेदीको संयोजकत्व र दुर्गा प्रसाईको अगुवाइमा भएको आन्दोलनमा निषेधित क्षेत्र तोड्नका लागि प्रहरी माथि ढु‌ङ्गामुढा गरी, आफैले चलाएको गाडीले प्रहरीको ज्यान लिने उद्देश्य र मनसायले आक्रमण गरेका थिए ।

आम सर्वसाधारणको सुरक्षार्थ सडकमा डिउटीमा खटिएका नेपाल प्रहरी, सशस्त्र प्रहरी बल, नेपालका सुरक्षाकर्मीलाई ढुङगा, लाठी,फलामका रड, घरेलु हतियारले प्रहार गरेका थिए । पक्राउ परेका १८ जनालाई काठमाडौं जिल्ला अदालतबाट ३ दिनको समय लिएर अनुसन्धान गरिरहेको जनाएको छ ।