विराटनगर । रोजगारको खोजीमा विदेश पलायन हुने युवा समुहलाई लक्षित गर्दै उद्योग संगठन मोरङले स्टार्टअप एण्ड इनोभेशन कार्यक्रमलाई परिस्कृत गरेको छ ।
संगठनले ३० वर्ष मुनीका युवायुवतीको समुहलाई लक्षित गरेर विदेश पलायनबाट रोक्ने उद्देश्यले स्टार्टअप एण्ड इनोभेशन कार्यक्रमलाई परिस्कृत रुपमा ल्याएको छ ।
व्यवसायिक सोच तथा अवधारणा भएका यूवालाई उद्यमशिलतामा रुपान्तरण गर्ने उद्देश्यका सञ्चालनमा ल्याइएको यो कार्यक्रममा सहभागिता जनाउनका लागि २०८१ चैत्र ३१ गतेसम्म संगठनको वेवासाइट र सामाजिक सञ्जालबाट आवेदन माग गरिएको छ ।
कार्यक्रमलाई प्रभावकारी रुपमा सञ्चालन गर्न चैत्र ३१ गतेसम्म प्राप्त कुल आवेदनहरुलाई उद्यमशिलता अवधारणाको प्रस्तुतीकरण गराई उत्कृष्ट १५ जना स्टार्टअप उद्यमीहरु छनौट गरिने छ ।
छनौट भएका उद्यमीलाई निःशुल्क रुपमा व्यवसायिक योजना तर्जुमा, व्यवसायिक योजना अनुरुप आवश्यक पर्ने प्राविधिक बिषयहरुमा मेन्टरसिप, कोचिङ, परामर्श सेवा, नेटवर्क विस्तारको अवसर प्रदान गरिने संगठनले जनाएको छ ।
तीन महिनासम्म संगठनको मेन्टरसिपमा रहने स्टार्टअपहरुलाई व्यावसायिक विकासमा थप सहयोग पु¥याउन उक्त अवधिमा बिजनेश क्यानभास मोडेल, बिजनेश हेल्थ चेकअपका साथै हाटबजार लगायतका कार्यक्रमहरु आयोजना गरी उत्कृष्ट हुन सफल ३ स्टार्टअपहरुलाई पुरस्कृत गर्ने संगठनको योजना छ ।
विराटनगर महानगरपालिका र पूर्वाञ्चल विश्व विद्यालयको सहकार्यमा सञ्चालन गरिने उक्त कार्यक्रमले स्टार्टअप व्यवसायको प्रवर्धन र विकासका लागी दिगो इकोशिष्टमको जग बसाल्न सहयोग पु¥याउने विश्वास संगठनले लिएको छ ।
प्रतिक्रिया