एकैदिन तोलामा २२ सय बढ्यो सुन, अहिलेसम्मकै महँगो हुँदा कतिमा भइरहेको छ कारोबार ?

काठमाडौं । नेपाली बजारमा सुनको मूल्यले आज पनि रेकर्ड कायम गरेको छ ।

बुधबार सुन प्रतितोला १ लाख ७० हजार ७ सयमा कारोबार भइरहेको नेपाल सुन चाँदी व्यवसायी महासंघले जनाएको छ ।

यसअघि मंगलबार सुनको मूल्य १ लाख ६८ हजार ५ सय रुपैयाँमा कारोबार भएको थियो । आज सुनको भाउ तोलामै २ हजार २ सयले बढेको हो ।

यस्तै चाँदीको मूल्य पनि बढेको छ । मंगलबार तोलाको २ हजार १०५ रुपैयाँमा कारोबार भएको चाँदीको मूल्य आज २ हजार १२० रुपैयाँ पुगेको छ ।