हेलिकप्टर दुर्घटनाप्रति प्रधानमन्त्रीद्वारा दुःख व्यक्त

काठमाडौँ । नुवाकोटको सूर्यचौरमा बुधबार एयर डाइनेष्टीको हेलिकोप्टर दुर्घटना भएको सम्बन्धमा प्रधानमन्त्री केपी शर्मा ओलीले दुःख व्यक्त गरेका छन् ।

सिंहदरबारस्थित उपत्यका मेयर्स फोरमका पदाधिकारीसँग पूर्वनिर्धारित भेटघाटमा रहेका प्रधानमन्त्री ओलीले दुर्घटनाको खबर थाहा पाएपछि भारी मनका साथ नगरप्रमुखहरुसँग प्रस्तुत हुँदै भेटघाटलाई संक्षिप्त बनाएका थिए ।

प्रधानमन्त्री ओलीले १४ दिनपछि अर्को हवाइ दुर्घटना हुनु दुःखद् भएको भन्दै दुख व्यक्त गरे । यसैगरी अन्य उच्च अधिकारीहरुले पनि दुर्घटनाप्रति दुख व्यक्त गरेका छन् । उक्त दुर्घटनाका सम्बन्धमा प्रधानमन्त्री ओलीले बुधबार ४ बजेका लागि मन्त्रिपरिषद्को आकस्मिक बैठक बोलाएका छ् ।