साढे ८३ लाख कित्ता हकप्रद जारी गर्दै प्रभु
![](https://clickmandu.com/wp-content/uploads/2024/07/prabhu-ins.jpg)
काठमाडौं । प्रभु इन्स्योरेन्सले साढे ८३ लाख कित्ता हकप्रद सेयर जारी गर्ने भएको छ । बिमा क्षेत्रको नियामक नेपाल बिमा प्राधिकरणले तोकेको चुक्ता पुँजी पुर्याउन ८३ करोड ५० लाख १३ हजार ५ सय ४४ रुपैयाँबराबरको प्रतिकित्ता १ सय रुपैयाँ अंकित दरका ८३ लाख ५० हजार १ सय ३५ दशमलव ४४ कित्ता हकप्रद सेयर निष्काशन गर्न लागेको हो ।
हकप्रद निष्काशनको बिक्री प्रबन्धक एनआईसी एशिया क्यापिटल रहेको छ । क्यापिटल र इन्स्योरेन्सबीच निष्काशन तथा बिक्री प्रबन्धक नियुक्ति सम्बन्धि दुई पक्षीय सम्झौता सम्पन्न भएको छ ।
सम्झौतापत्रमा प्रभु इन्स्योरेन्सका प्रमुख कार्यकारी अधिकृत सञ्चित बज्राचार्य र निष्काशन तथा बिक्री प्रबन्धकको तर्फबाट प्रमुख कार्यकारी अधिकृत रामेन्द्र रायमाझीले हस्ताक्षर गरे । प्रभुले हाल ६० भन्दा बढी शाखा तथा उप–शाखा कार्यालयबाट निर्जीवन बीमा व्यवसाय गर्दै आइरहेको छ ।