मिटरब्याज पीडितहरुसँगको वार्ताका लागि सरकारले गठन गर्‍यो वार्ता टोली

काठमाडौं । सरकारले आन्दोलनरत मिटरब्याज पीडितहरूलाई वार्ताका लागि बोलाएको छ । देशका विभिन्न भागबाट पैदल हिँडेर काठमाडौं आइपुगेका पीडितहरूलाई गृह मन्त्रालयले वार्ताको लागि बोलाएको हो ।

सरकारले मन्त्रालयका सहसचिव रुद्रप्रसाद पण्डितको संयोजकत्वमा वार्ता टोली गठन गरेको छ । आन्दोलनरत पक्षलाई बढीमा पाँच सदस्यीय वार्ता टोली गठन गरी मन्त्रालयमा आउन गृहमन्त्रालयले भनेको छ ।

मिटरब्याज सम्बन्धी समस्या समाधानको लागि गृह मन्त्रालयमा पटक पटक छलफल हुने गरे पनि समस्या भने समाधान हुन सकेको छैन ।