हेटौंडा व्यापार प्रवर्द्धन र नेटवर्किङको हब बन्न सक्छः अध्यक्ष ढकाल

काठमाडौं । नेपाल उद्योग वाणिज्य महासंघका अध्यक्ष चन्द्रप्रसाद ढकालले हेटौंडा व्यापार प्रवर्द्धन र नेटवर्किङको हब बन्ने लक्ष्य राखेको बताएका छन् ।

हेटौंडामा महासंघ बागमती प्रदेश कार्यालयको शिल्यानास गर्दै उनले यस्तो बताए । अध्यक्ष ढकालले स्थानीय अर्थतन्त्रलाई रूपान्तरण गर्न कार्यालयको सम्भावना रहेकोमा आशावादी रहेको बताए । सहयोग, नवप्रवर्तन र समावेशीता यसको निर्माण र सञ्चालनका लागि मार्गदर्शक सिद्धान्त हुनेमा जोड दिए ।

कार्यक्रममा उद्योग वाणिज्य महासंघ बागमती प्रदेशका अध्यक्ष दिल सुन्दर श्रेष्ठले कार्यालयले सीप विकाश कार्यक्रमहरू प्रस्ताव गर्न व्यावसायकि प्रशक्षिण संस्थानहरू र विश्वविद्यालयहरूसँग सहकार्य गर्ने योजना बनाएको जानकारी दिए ।

कार्यालयले स्थानीय उद्यमहरू र अन्तर्राष्ट्रिय साझेदारहरू बीचको सम्बन्धलाई बढावा दिन व्यापार मेलाहरू, उद्योग विशेष कार्यक्रमहरू र वाणिज्य शिखर सम्मेलनहरू आयोजना गर्ने छ।

कार्यालय निर्माणले स्थानीय व्यवसायिक समूहका लागि दूरगामी प्रभाव सिर्जना गर्ने अपेक्षा गगरिएको छ । व्यवसायिक निर्माण सम्पन्न भएपश्चात आधुनिक कार्यालय, बैठक कोठा र सम्मेलनको सुविधा उपलब्ध हुनेछ ।

उद्यमीहरू, स्टार्टअपहरू, र स्थापति व्यवसायहरूले यी सुविधाहरूमार्फत व्यापार तथा व्यवसायलाई अझ प्रभावकारी रूपमा सञ्चालन गर्न, सहकार्य एवं सञ्जालका लागि प्रयोग गर्न सक्छन् ।

कार्यालयमा बिजनेस इन्क्यूबेटर र एक्सेलेटरका लागि ठाउँ छुट्याइनेछ । स्टार्टअपहरू र साना व्यवसायहरूले उद्यमलाई विकाश र स्तर्नार्रोती गर्न अभिमुखिकरण, प्रशिक्षण, र स्रोतहरूको पहुँच स्थापित गर्न सक्छन् ।

व्यावसायिक प्रतिस्पर्धाको लागि दक्ष जनशक्ति आवश्यक रहेको र यो पहलले सीपको खाडललाई पूरा गर्ने उल्लेख छ । यसले स्थानीय उत्पादनहरू, हस्तकला र परम्परागत कला प्रदर्शन गर्न प्रदर्शनी ठाउँहरू निर्धारण गर्नेछ । यो एक्सपोजरले स्थानीय कालीगढहरूलाई मात्रै नभई पर्यटक र ग्राहकहरूलाई पनि आकर्षित गर्नेछ ।

नेपाल उद्योग वाणिज्य महासंघले यस कार्यालय मार्फत, अनुकूल व्यापार नीतहिरूको पैरवी, नियामकिया चुनौतीहरू सम्बोधन र स्थानीय व्यवसायहरूलाई कानुनी सहायता प्रदान गर्नेछ ।