एकै परिवारका तीनजना झुन्डिएको अवस्थामा फेला, ६ वर्षीया छोरी सकुशल

विराटनगर । धनकुटामा एकै परिवारका तीन जना मृत अवस्थामा फेला परेका छन् ।

धनकुटा नगरपालिका वडा नम्बर १ निगालेमा एकै परिवारका तीन जना झुन्डिएको अवस्थामा फेला परेको जिल्ला प्रहरी कार्यालय धनकुटाले जनाएको छ ।

टिकाराम गुरुङ, उनकी श्रीमती ३६ वर्षीया भीमा र १० वर्षीय छोरा आयुष बिहीबार बिहान घरभित्रै मृत फेला परेको प्रहरीले जनाएको छ ।

ज्याला मजदुरी गर्दै आएका टिकारामको परिवारमा चार जना थिए । ६ वर्षीय छोरी आशिका बाहेक सबै जना मृत भेटिएका हुन्। घटनाबारे थप अनुसन्धान भइरहेको प्रहरीले जनाएको छ ।