आज चन्द्रग्रहण लाग्ने कुन–कुन राशिलाई शुभ ?

काठमाडौं । आज शनिबार खण्डग्रास चन्द्रग्रहण लाग्दै छ । यो ग्रहण नेपालमा स्पष्ट देखिनेछ । ग्रहण एसिया अफ्रिका र युरोपबाट देखिनेछ ।

वाल्मीकि क्याम्पसका वरिष्ठ खगोलविद् जयन्त आचार्यका अनुसार शनिबार राति १ बजेर २० मिनेटमा ग्रहण प्रारम्भ हुनेछ भने राति २ बजेट २८ मिनेटमा समाप्त हुनेछ । खण्डग्रास भएकाले चन्द्रमाको पूर्वपट्टिको भाग काटिएको जस्तोमात्रै देखिने उनले बताए ।

उनका अनुसार चन्द्रग्रहण हेर्दा कुनै सावधानी अपनाउन पर्ने छैन, यसै खुला ठाउँबाट स्पष्ट देख्न सकिन्छ । नेपालबाट यसपछि २०८१ भदौमा मात्रै चन्द्रग्रहण देखिनेछ ।

आचार्य अन्तर्राष्ट्रिय प्रकाश वर्ष २०१५ का अध्यक्ष (नेपाल) तथा अमेरिकी खगोल समाजका एस्ट्रो नेपाल अध्यक्ष पनि हुन् ।

चन्द्रग्रहणसम्बन्धी जानकारी

० कात्तिक ११ गते राति १:२० मा ग्रहणको प्रारम्भ हुने र समाप्ति राति २:३८ मा हुने

० चन्द्रमाको पूर्वपट्टिको भाग काटिएको जस्तोमात्रै देखिने

० यो ग्रहण १ घण्टा १८ मिनेटसम्म देख्न सकिने

० नेपालबाट यसपछि २०८१ भदौमा मात्रै चन्द्रग्रहण देखिने

० चन्द्रग्रहण हेर्दा कुनै सावधानी अपनाउन नपर्ने, यसै खुला ठाउँबाट स्पष्ट देख्न सकिने

० शनिबारको कोजाग्रत पूर्णिमाको पूजामा यसले कुनै असर नपार्ने शास्त्रीय निर्णय

० धर्मशास्त्रलाई मान्ने हो भने मिथुन, कर्कट, वृश्चिक, कुम्भ राशिले बाहेक अरुले हेर्न नहुने

ग्रहण फल विभिन्न राशिको

मेष: घात

वृष: हानि

मिथुन: लाभ

कर्कट: सुख

सिंह: माननाश

कन्या: कष्ट (मृत्युतुल्य कष्ट)

तुला: स्त्रीपीडा

वृश्चिक: सौख्यम

धनु: चिन्ता

मकर: व्यथा

कुम्भ: श्रीप्राप्ति

मीन: क्षति