पूर्वाधार विकास बैंकमा मुद्दती निक्षेप राख्न प्यान अनिवार्य

काठमाडौं । पूर्वाधार विकास बैंकमा मुद्दती निक्षेप राख्न प्यान नम्बर अनिवार्य चाहिने भएको छ ।

नेपाल राष्ट्र बैंकले इजाजतपत्रप्राप्त पूर्वाधार विकास बैंकलाई जारी गरिएको एकीकृत निर्देशन, २०७८ मा संशोधन तथा परिमार्जन गरी यो व्यवस्था लागु गरेको हो ।

पूर्वाधार विकास बैंकले कुनै व्यक्तिगत मुद्दती निक्षेप स्वीकार गर्दा निक्षेपकर्ताको स्थायी लेखा नम्बर अनिवार्य रुपमा लिनुपर्ने व्यवस्था गरेको छ ।

राष्ट्र बैंकले एकीकृत निर्देशन संशोधन गर्दै वाणिज्य बैंक, विकास बैैंक र फाइनान्स कम्पनीमा पनि व्यक्तिगत मुद्दति निक्षेपमा पैसा राख्न परेमा प्यान अनिवार्य गर्ने निर्णय गरेको छ ।