कामना सेवा विकास बैंकका सीइओ थकालीलाई कम्पनी सचिवको पनि जिम्मा

काठमाडौं । कामना सेवा विकास बैंकले प्रमुख कार्यकारी अधिकृत (सीइओ) दिनेश थकालीलाई नै कम्पनी सचिवको जिम्मेवारी दिएको छ । यही भदौ २४ गते बसेको सञ्चालक समितिको बैठकले थकालीलाई कम्पनी सचिवमा पनि नियुक्ति गरेको हो ।

थकाल २०८० बैशाख १४ गते बैंकको सीइओमा नियुक्ति भएका थिए ।

उनी यसअघि प्रभु बैंकको नायव महाप्रबन्धक रहेका थिए । उनले प्रभु क्यापिटलमा प्रबन्ध निर्देशक भएर २ वर्ष काम गरे । त्यसअघि थकाली सांग्रिला डेभलपमेन्ट बैंकमा कामु सीईओ भएर काम गरेका थिए ।

थकाली नेपाल चार्टर्ड एकाउण्टेण्ट्स संघका पूर्वमहासचिव हुन् । त्रिभुवन विश्वविद्यालयबाट व्यवस्थापनमा स्नातकोत्तर तथा कानूनमा स्नातक गरेका थकालीले लण्डन स्कूल अफ इकोनोमिक्स लण्डन, विश्व बैंक, एआईटी थाइल्याण्ड लगायतका संस्थाहरुबाट बैंकिङ तथा व्यवस्थापन सम्बन्धि अध्ययन गरेका छन् ।