नेपाल हवाई नियन्त्रक संघको अध्यक्षमा बज्राचार्य

काठमाडौं । एयर ट्राफिक कन्ट्रोलर(एटीसी)हरूको संस्था नेपाल हवाई नियन्त्रक संघको अध्यक्षमा बिपिन बज्राचार्य विजयी भएका छन् । नेपाल नागरिक उड्डयन प्राधिकरणमा कार्यरत बज्राचार्यले प्राधिकरणकै अर्का कर्मचारी मुरारीप्रसाद भण्डारीलाई ६५ मतले पराजित गरेका छन् ।

मंगलबार भएको निर्वाचनमा बज्राचार्यले १९३ मत पाउँदा भण्डारीले १२८ मत प्राप्त गरे । यस्तै, संस्थाको २२औं साधारण सभाबाट प्रोफेसनलतर्फको उपाध्यक्षमा अरुण भुसाल र टेक्निकलतर्फको उपाध्यक्षमा दीपक ओझा निर्वाचित भए ।

महासचिवमा विजयकुमार श्रेष्ठ निर्वाचित हुँदा कोषाध्यक्षमा गौरव देउजा विजयी भए । सदस्यहरुमा उज्जवल तिवारी, नारायण श्रेष्ठ, लीलाप्रसाद श्रेष्ठ, सागर भट्ट र सुस्मिता रावल विजयी भएका छन् ।