भोलि र पर्सी काठमाडौंका यी रुटमा सवारी साधन जान नपाउने

काठमाडौं । गाईजात्रा (सापारु) र गुँपुन्हि (क्वाति पुन्हि) पर्वमा काठमाडौं महानगरपालिकामा विभिन्न मार्गहरु बन्द हुने भएका छन् ।

महानगरपालिकाको नगर कार्यपालिकाको कार्यालयले सूचना जारी गर्दै बन्द हुने बाटोहरुबारे जानकारी दिएको हो ।

महानगरकाअनुसार जात्रा हुने भदौ १४ गते बिहीबार र १५ गते शुक्रबार यी बाटोहरु बन्द हुनेछन् । सूचनामा उल्लेख भएअनुसार जात्रा हुने मार्गहरुबाट प्रवेश हुने सबै प्रकृतिका सवारी साधनहरुलाई उक्त दिन प्रवेश गर्न निषेध गरिएको छ ।

गाईजात्रा हुने मार्गमा असनदेखि केलटोल, इन्द्रचोक, मखन, हनुमानढोका दरबार परिसर, मरु टोल, चिकँमुगल, जैशिदेव, ज्याबहाल, लगन चोक, गोफल, ब्रह्मटोल, वन्डे, ह्युमत, जैशिदेव, कोहिटि, भिमसेनस्थान, मरु टोल, प्याफल, ढोकाटोल, मुकुमबही, यट्खा, नरदेवी, टेंगल, न्हयोखा, बांगेमुढा, न्हैकन्तला, असन, कमलाछि र भोताहिटि हुँदै असनसम्मको मार्ग बन्द रहनेछन् ।

महानगरकाअनुसार यी मार्गहरुमा बिहीबार र शुक्रबार कुनै पनि सवारी साधनको प्रवेश हुन पाउने छैनन् ।