सिनामंगलमा सुन पसल अगाडी शंकास्पद बस्तु फेला, बम डिस्पोजल टोली बोलाइयो

काठमाडौं । काठमाडौंको सिनामंगलमा शंकास्पद वस्तु फेला परेको छ ।

काठमाडौं मेडिकल कलेजबाट पुरानो बानेश्वर आउने सडक छेऊमा शंकास्पद वस्तु फेला परेको जिल्ला प्रहरी परिसर काठमाडौंले जनाएको छ ।

उक्त सडक खण्डमा पर्ने खोटाङ हलेसी ज्वेलर्स नजिकै शंकास्पद वस्तु फेला परेको सूचना आएको प्रहरीले जनाएको छ ।

शंकास्पद वस्तुसँगै एक पर्चा पनि फेला परेको छ ।

‘खोटाङ हलेसी ज्वेलर्सको साहुजी हाम्रो पार्टी नेपाल उत्थान क्रान्तिकारी पार्टीलाई सपोर्ट गर्नुहोस् । तपाईँको सहयोगले हाम्रो देश र जनताहरूलाई ठूलो प्रगति हुनेछ भन्ने हाम्रो आश हो । यहाँ आरडीएक्स बारुदको बम राखिएको छ । सावधान रहनुहोला । संयोजक सफल’ पर्चामा लेखिएको छ ।

शंकास्पद वस्तु निष्क्रिय बनाउन नेपाली सेनाको बम डिस्पोजल टोलीलाई खबर गरिएको प्रहरीले जनाएको छ । उक्त क्षेत्रलाई प्रहरीले घेरा हालेको छ ।