पूर्वाधार विकास बैंकको संस्थापक र सीईओ बन्न राष्ट्र बैंकले थप्यो मापदण्ड

काठमाडौं । नेपाल राष्ट्र बैंकले पूर्वाधार विकास बैंकको संस्थापक तथा प्रमुख कार्यकारी अधिकृत (सीईओ)को योग्यता सम्बन्धी नयाँ व्यवस्था गरेको जारी गरेको छ ।

केन्द्रीय बैंकले गरेको नयाँ व्यवस्था अनुसार चोरी, ठगी, भ्रष्टाचार वा अन्य फौजदारी अभियोग तथा बैंकिङ कसुरमा सजाय नपाएको व्यक्ति मात्रै संस्थापक वा सीईओ बन्न पाउनेछ ।

यस्तै प्रहरी प्रतिवेदनमा आपराधिक पृष्ठभूमि नदेखिएको वा आपराधिक पृष्ठभूमि देखिएको भए सजाय भुक्तान गरेको ५ वर्ष व्यतीत भई सकेको व्यक्ति मात्रै सञ्चालक वा सीईओ बन्न पाउनेछ ।

अर्को व्यवस्थामा प्रहरी प्रतिवेदनमा आपराधिक पृष्ठभूमि देखिएको व्यक्ति भए सजाय भुक्तान गरी सफाई पाएको ५ वर्ष व्यतीत भई नसकेको भए सञ्चालक वा सीईओ बन्न पाउने छैन । यी दुवै नयाँ व्यवस्था हुन् ।