कांग्रेस २ र एमाले १ ठाउँमा जित्दा घण्टीसँग माओवादी र समाजवादीको प्रतिस्पर्धा

काठमाडौं । आइबार सम्मपन्न प्रतिनिधि सभा र प्रदेश सभा सदस्यको निर्वाचनको मतगणना जारी रहेको छ ।

सोमबार राति सवा ११ बजेसम्मको तथ्यांक अनुसार नेपाली कांग्रेसले प्रतिनिधि सभामा दुई स्थानमा जीत निकालेको छ । उसले मनाङ र मुस्ताङमा जित निकालेको हो ।

दोस्रो स्थानमा नेकपा एमाले रहेको छ उसले १ स्थानमा जितेको छ । एमालेले ललितपुर २ मा जित हात पारेको हो ।
मतगणनाको पछिल्लो परिणाम अनुसार नेपाली कांग्रेसले ३६ निर्वाचन क्षेत्रमा अग्रता बनाएको छ भने नेकपा एमालेले ३० स्थानमा अग्रता बनाएको छ ।

नेकपा माओवादी ९ र एकीकृत समाजवादीले ८ स्थानमा अग्रता बनाउँदा राष्ट्रिय स्वतन्त्र पार्टीले ८, राप्रपाले र नागरिक उन्मुक्ति पार्टीले ४/४ तथा जनमत पार्टीले १ स्थानमा अग्रता बनाएको छ । त्यस्तै जनता समाजवादी पार्टीले ३, लोकतान्त्रिक समाजवादी पार्टीले १ र हाम्रो नेपाली पार्टीले १ स्थानमा अग्रता बनाएको छ ।