चितवन २ मा ४०० मत गणना अपडेट : एमालेको अग्रता कायमै, रविले पाए ३२ मत

चितवन । चितवन क्षेत्र नम्बर २ को मतगणना जारी छ ।

जारी मतगणनामा ४ सय मत गणना हुँदा एमालेका उम्मेदवार कृष्णभक्त पोखरेलले २०७ मत पाएका छन् ।

यस्तै गठबन्धनबाट उम्मेदवार रहेका नेपाली कांग्रेसका उमेश श्रेष्ठले १२६ मत पाएका छन् । राष्ट्रिय स्वतन्त्र पार्टीका सभापति रवि लामिछानेले ३२ मत पाएका छन् ।

अहिले ईच्छा कामना गाउँपालिकाको हात्तीवान बुथको मत गणना भइरहेको जनाइएको छ ।

चितवन–२ मा कुल मतदाता एक लाख २४ हजार २१४ रहेकोमा आइतबार भएको मतदानमा ८४ हजार ३१५ मत खसेको निर्वाचन आयोगले जनाएको छ ।