२० लघुवित्तको नाफा ४ अर्ब बढी: छिमेकको मात्रै १ अर्ब, कुनले कति कमाए ? 

काठमाडौं । नेपाल स्टक एक्सचेञ्ज (नेप्से) मा ५१ वटा लघुवित्त वित्तीय संस्थाहरू सूचिकृत छन् । आर्थिक वर्ष सकिएसँगै लघुवित्त कम्पनीहरूले गत आर्थिक वर्षको चौथो त्रैमाससम्मको वित्तीय विवरण सार्वजनिक गर्न थालेका छन् । 

सूचिकृत ५१ मध्ये २० वटाले गत आवको वित्तीय विवरण सार्वजनिक गरेका छन् ।

यी कम्पनीहरूले गत आवमा ४ अर्ब ९ करोड ३२ लाख ७३ हजार रुपैयाँ खुद नाफा कमाएका छन् । अघिल्लो आर्थिक वर्षको यसै अवधिमा यी लघुवित्त कम्पनीहरूले ३ अर्ब ८२ करोड ९१ लाख ९७ हजार रूैयाँ खुद नाफा कमाएका थिए । समीक्षा अवधिमा यी कम्पनीहरूको नाफा औषतमा ६.९० प्रतिशतले बढेको हो । अघिल्लो आर्थिक वर्षको सोही अवधिसम्ममा यस लघुवित्तले १ अर्ब ३१ करोड ३८ लाख रुपैयाँ नाफा कमाएको थियो ।

कम्पनीहरूले सार्वजनिक गरेको वित्तीय विवरण अनुसार २० वटामध्ये सबैभन्दा धेरै नाफा कमाउनेमा छिमेक लघुवित्त वित्तीय संस्था परेको छ । छिमेकले गत आर्थिक वर्षमा १ अर्ब ३ करोड २२ लाख ८३ हजार रुपैयाँ खुद नाफा कमाएको छ । जुन गत आवको यसै अवधिको तुलनामा छिमेकको नाफा २१.४३ प्रतिशतले कम हो ।

वित्तीय विवरण सार्वजनिक गर्ने २० लघुवित्त कम्पनीमध्ये ८ वटाको नाफा घटेको छ । गणपति माइक्रोफाइनान्स, साधना, समता घरेलु, छिमेक, जाल्पा, नाडेप, सूर्योदय र धौलागिरि लघुवित्तको नाफा खुम्चिएको हो ।  

समीक्षा अवधिमा गणपति माइक्रोफाइनान्सको नाफा ५४.७५ प्रतिशत, साधना लघुवित्तको नाफा ०.८३ प्रतिशत, समता घरेलु लघुवित्तको २६.४३ प्रतिशत, जाल्पा सामुदायिक लघुवित्तको नाफा ४.६७ प्रतिशत, नाडेप लघुवित्तको नाफा २८.९६ प्रतिशत र धौलागिरि लघुवित्तको नाफा २५.६९ प्रतिशतले घटेको छ ।

यस्तै, कालिका लघुवित्तको नाफा सबैभन्दा धेरै प्रतिशतले नाफा बढेको छ । समीक्षा अवधिमा यस लघुवित्तको नाफा १३२.७२ प्रतिशतले बढेको हो  गत आवमा कालिकाले १२ करोड ८४ लाख ९६ हजार रुपैयाँ खुद नाफा कमाएको छ । अघिल्लो आवको यसै अवधिमा यसले ५ करोड ५२ लाख १६ हजार रुपैयाँ खुद नाफा कमाएको थियो ।

कालिकासँगै आरएमडिसी लघुवित्तको नाफा पनि शतप्रतिशतले  बढकेो छ । गत आवका आरएमडिसीले ३५ करोड ४९ लाख ८ हजार रुपैयाँ खुद नाफा कमाएको छ । अघिल्लो आवको यसै अवधिमा संस्थाले १७ करोड ७९ लाख १८ हजार रुपैयाँ खुद नाफा कमाएको थियो ।

फर्स्ट माइक्रोफाइनान्सको नाफा ८७.८२ प्रतिशतले बढेर २६ करोड ९९ लाख ८३ हजार रुपैयाँ पुगेको थियो । अघिल्लो आवको यसै अवधिमा संस्थाको नाफा १४ करोड ३१ लाख ६२ हजार रुपैयाँ मात्रै थियो ।

महिला लघुवित्तको नाफा ६१.४३ प्रतिशत, सीवाईसी लघुवित्तको नाफा ५५.०८ प्रतिशत, आरएसडिसि लघुवित्तको नाफा ४८.४५ प्रतिशत, एनआइसी एशिया लघुवित्तको नाफा २४.४९ प्रतिशतले बढेको छ । 

यस्तै, समीक्षा अवधिमा सिभिल लघुवित्तको नाफा १३.४९ प्रतिशत, महुलि लघुवित्तको नाफा १०.७१ र ग्लोबल आईएमई लघुवित्तको नाफा १०.०५ प्रतिशतले बढेको छ । 

मिर्मिरे लघुवित्त र आशा लघुवित्तको नाफा भने १० प्रतिशतभन्दा थोरैले बढेको छ । 

मिर्मिरे लघुवित्तले १०.०५ प्रतिशतले बढेर २० करोड ८१ लाख ९० हजार रुपैयाँ र आशा लघुवित्तको नाफा ०.४४ प्रतिशतले बढेर १२ करोड ३५ लाख ७९ हजार रुपैयाँ पुगेको छ ।

	Company	Net Profit(000)	Change%
S.N	2078/79	2077/78
1	NIC Asia Laghubitta	585635	470409	24.49
2	First Microfinance Laghubitta	268883	143162	87.82
3	Ganapati Microfinance	18616	41138	-54.75
4	Asha Laghubitta Bittiya sanstha	123579	123035	0.44
5	CYC Laghubitta	80330	51800	55.08
6	Sadhan Laghubitta	116125	117095	-0.83
7	Samata gharelu laghubitta	79727	108361	-26.43
8	Chhimeka Laghubiita	1032283	1313855	-21.43
9	Mahila laghubitta	150099	92983	61.43
10	Global Ime Laghubitta	250522	227654	10.05
11	Mirmire Laghubitta	208190	192755	8.01
12	Jalpa samudayik Laghubitta	98657	103485	-4.67
13	Civil Laghubitta	73633	64939	13.39
14	Nadep laghubitta	114096	160618	-28.96
15	RMDC Laghubitta	354908	177918	99.48
16	Suryodaya womi Laghubitta	139637	160539	-13.02
17	Kalikaa Laghubitta	128496	55216	132.72
18	Dhaulagiri Laghubitta	26074	35086	-25.69
19	Mahuli Laghubitta	108582	98074	10.71
20	RSDC Laghubitta	135202	91075	48.45
	Total	4093273.66	3829197.08	6.90