२९ हजार मतगणनाः बालेनलाई ३९.७५% मत, स्थापित २१.३९ र सिंहलाई १८.७५% मत

काठमाडौं । काठमाडौं महानगरको मेयर पदका उम्मेदवार बालेन साहलाई कुल मतगणनामध्ये ३९.७५ प्रतिशत भोट खसेको छ ।

लौरो चिन्ह लिएर निर्वाचनमा होमिएका स्वतन्त्र उम्मेदवार साहले कुल २९ हजार २६६ मतगणनामा ११ हजार ६३२ मत प्राप्त गरेका छन् । उनी निकटम प्रतिद्वन्द्वी एमाले उम्मेदवार केशव स्थापितभन्दा ५ हजार ३७३ मतले अगाडि छन् ।

स्थापितले कुल ६ हजार २५९ मत प्राप्त गर्दा कांग्रेस उम्मेदवार सिर्जना सिंहले जम्मा ५ हजार ४८६ मत प्राप्त गरेकी छन् ।

हालसम्म वडा नम्बर १ र २ को मतगणना सकिएको छ भने अहिले वडा नम्बर ३, ४, ५, ६, ३०, ३१ र ३२ वडाको मतगणना भइरहेको छ ।