आफ्नो नेतृत्वमा राष्ट्रिय सरकार बनाउन प्रधानमन्त्री ओलीको प्रस्ताव

काठमाडौं । प्रधानमन्त्री केपी शर्मा ओलीले राष्ट्रिय सरकार बनाउन आग्रह गरेका छन् । शुक्रबार पत्रकार सम्मेलन गर्दै प्रधानमन्त्री ओलीले आफ्नो नेतृत्वमा राष्ट्रिय सरकार बनाउन आग्रह गरेका हुन् ।

‘कोरोना महामारीको संकट छ, यस्तो बेलामा राष्ट्रिय सरकार बनाएर अगाडि बढौं,’ उनले भने ।
उनले बिहानै नेपाल कांग्रेसका सभापति शेरबहादुर देउवालाई फोन सम्पर्क गरेर वैकल्पिक सरकार बनाउन समेत आग्रह गरेको बताए ।

उनले सरकारलाई काम गर्न पनि नदिने र वैकल्पिक सरकार बनाउन पनि नसक्ने अवस्था आएपछि आफूले नयाँ कदम चालेको बताए । उनले धारा ७६ को ५ मा जान आफू बाध्य भएको बताए ।