भन्सार एजेन्टको लिखित परीक्षा स्थगित

काठमाडौं । सरकारले २० वर्षपछि खुलाएको भन्सार एजेन्ट (लाइसेन्स) को लिखित परीक्षा स्थगित गरेको छ । दोस्रो लहरको कोरोना भाइरस महामारीबाट सृजित असामान्य अपरिस्थितिका कारण परिक्षा स्थगित गरेको भन्सार विभागले जनाएको छ ।

विभागका अनुसार लिखित परीक्षा सम्बन्धी अर्को कार्यक्रम परीक्षा हुनुभन्दा कम्तिमा १५ दिन अगाडि वेवसाइट र गोरखापत्रमा प्रकाशन गर्ने जनाएको छ । विभागले गत चैत १६ गते भन्सार एजेन्ट छनौटको लागि यही जेठ २२ गते परिक्षा हुने सुचना प्रकाशन गरेको थियो ।