कालिमाटी तरकारी बजार आजदेखि बन्द हुने

काठमाडौं । कोरोना महामारीको उच्च जोखिम बढ्दै गएपछि कालिमाटी तरकारी बजार आजदेखि बन्द हुने भएको छ । बजार समितिले आज एक सूचना प्रकाशित गरी उक्त जानकारी दिएको हो ।

जस अनुसार आजदेखि लागू हुने गरी कृषक बजार र खुद्रा बजार वैशाख ३० गतेदेखि लागू हुने गरी बन्द गरिने र थोक बजारमा हुने सम्पूर्ण खुद्रा कारोबार २९ गतेदेखि बन्द हुने भएको छ ।

साथै थोक बजारमा प्याकेजिङ गरेर मात्रै बिक्री वितरण गर्ने गराउने समितिले जनाएको छ । साथै एउटा थोक पसलमा अधिकतम २ जना मात्रै बसी सामाजिक दूरी कायम गर्दै सम्पूर्ण स्वास्थ्य सुरक्षा मापदण्ड अपनाएर मात्रै कारोबार गर्न समितिको निर्देशन छ ।

बजार परिसरभित्र मोटरसाइकल, साइकल तथा ठेला प्रवेशमा पूर्णरुपमा रोक लगाइएको छ भने ठूला कृषकहरुले स्वास्थ्य सुरक्षा मापदण्ड अपनाएर अक्सन यार्ड/होल्डिङ यार्डमा अक्सन कारोबार गर्न सक्नेछन् ।