आस्क मी भर्चुअल जव फेयर शुरू, ५० बढी कम्पनीमा रोजगारीको अवसर

काठमाडौं । आस्क मी भर्चुअल जव फेयरको दोस्रो संस्करण बुधबारदेखि शुरु भएको छ ।

आस्क मी म्यानेजमेन्टले यहि मार्च ३१ देखि अप्रिल २ सम्म राष्ट्रिय वाणिज्य बैंकसँगको मुख्य सहकार्यमा अनलाइन प्लेटफर्ममा आस्क मी भर्चुअल जव फेयर २०२१ शुरु गरेको हो ।

जव फेयरको पेमेण्ट पार्टनरमा नेपाल क्लियरिङ हाउसको कनेक्ट आईपिएस छ । आस्क मी म्यानेजमेण्टकी व्यवस्थापकीय निर्देशक अर्चना कुँवर क्षेत्रीका अनुसार कोरोना महामारीको विषम अवस्थामा सञ्चालन गरिएको भर्चुअल जव फेयरले रोजगारीको बजार बिस्तार गर्दै सकरात्मक सन्देश प्रवाह गर्नेछ ।

‘हामिले पहिलो पटक २०२० मा यो अवधारणा ल्याउँदा नेपालको लागि नयाँ थियो । पहिलो वर्षनै ४० भन्दाबढी कम्पनीले विश्वास गरेका कारण नै पूर्णसफलताका साथ पहिलो संस्करणको भर्चुअल जव फेयर सञ्चालन गरेका थियौं,’ कुँवरले भनिन्, ‘यसपटक पनि ५० भन्दा बढी कम्पनीमा जव दिलाउने लक्ष्यका साथ दोस्रो संस्करणको जब फेयर आयोजना गरिएको हो ।’

भर्चुअल जब फेयरको सर्पोट पार्टनरका रुपमा बोस्टन इन्टरनेशनल कलेज, नेपाल बैंक, शिखर इन्स्योरेन्स, नेपाल इन्भेष्टमेण्ट बैंक र एनआईसी एशिया बैंक छन् ।

फिचर रिक्रुएटरका रुपमा जव दिलाउनका लागि फेयरमा नबिल बैंक, नेपाल बैंक, शिखर इन्स्योरेन्स, नेपाल इन्भेष्टमेण्ट बैंक, एनआईसी एशिया बैंक, जावलाखेल ग्रुप, एसबी वेब, एनएमबि बैंक, नेपाल बंगलादेश बैंक, एनसीसी बैंक, लक्ष्मी बैंक, अग्नी ग्रुपले सहभागिता जनाउँदै छन् ।

त्यसैगरी सांग्रिला डेभलपमेण्ट बैंक, रिलायबल लाइफ इन्स्योरेन्स, सानिमा लाइफ इन्स्योरेन्स, प्राइम लाइफ इन्स्योरेन्स, आईएमई पे, नेको इन्स्योरेन्स, सानिमा जनरल इन्स्योरेन्स, सानिमा लाइफ इन्स्योरेन्स, आस्क मी पसल लगायतका कम्पनीहरु रोजगारदाताका रुपमा जव फेयरमा सहभागी हुँदै छन् ।

फेयरमा सहभागी हुन चाहने अन्य कम्पनीले अनलाइन स्टल राख्नका लागि आस्क मी कन्सल्ट डटकम स्लास इम्प्लोयर ड्यास जोनमा लगइन गर्नुपर्ने हुन्छ ।

यो पोर्टलबाट जब फेयरमा अनलाइन स्टल राख्न सकिन्छ । देशभरिका मानिसहरुले एकै साथ यो प्ल्याटफर्ममा भिजिट गरी आवश्यकता अनुसारको रोजगारीका लागि मोबाईल वा कम्प्युटर बाटै आवेदन दिन सकिनेछ ।

कतिपय कम्पनीहरुले अनलाइन अन्तर्वार्ता लिएर पनि कर्मचारी नियुक्त गर्न सकिने व्यवस्था गरिएको छ । साथै कर्मचारी भर्ना गर्ने कम्पनिले आफूले चाहे जस्तो कर्मचारी पाउने भएकाले पनि जव फेयर उपलब्धिमुलक हुने अपेक्षा गरिएको छ ।

यस प्ल्याटफर्ममा स्वदेश फर्कन चाहने तर बिदेशमा रहेका नेपालीहरुले आफुलाई उपयुक्त रोजगारी पाउने उक्तम विकल्प समेत पाउने छन् ।