एक दशक पूरा गर्दै डिशहोमको प्लसमुभि च्यानल

काठमाडौं । टेलिभिजनमा नेपाली चलचित्रमार्फत् दर्शकलाई मनोरञ्जन दिने उद्देश्यसहित डिशहोमले शुरु गरेको प्लस मुभि च्यानलले एक दशक पूरा गरेको छ ।

डिशहोममा मुभि अन डिमाण्ड नामबाट शुरु गरिएको यस च्यानल सन २०१२ देखि प्लसमुभि च्यानलको नामबाट सञ्चालन भइरहेको छ । दैनिक ८ शो नेपाली चलचित्रहरु प्रशारण गरिरहेको यो च्यानल
डिशहोमका दर्शकहरुमाझ अत्यन्त लोकप्रिय रहेको छ ।

नयाँ र पुराना तथा सबै विधाका नेपाली चलचित्रहरु प्रदर्शन गरिरहेको प्लस मूभि च्यानल डिशहोममा एचडी गुणस्तरमा हेर्न सकिन्छ ।

यस च्यानलमार्फत् दुरदराजका दर्शकलेसमेत नेपाली चलचित्र सजिलै हेर्न पाएका छन् ।

प्लस मूभिसँगै डिशहोमले रमाइलो, एक्सन स्पोर्टस्, सरोकार, रियालिटी टिभि, गुञ्जन, सिनेहिट्स, कमेडि प्लस्, डि मुभिज, जुनियर, राईम्स्, डि म्यूजिक, नेपाः, मधेश प्लस जस्ता आफ्नै च्यानलहरु पनि प्रशारण गरिरहेको छ ।