एसईई परीक्षा जेठ १३ गतेदेखि २४ गतेसम्म

काठमाडौं । यस वर्षको एसईई परीक्षा जेठ १३ गतेदेखि २४ गतेसम्म हुने भएको छ । राष्ट्रिय परीक्षा बोर्डको आज बसेको बैठकले उक्त निर्णय गरेको अध्यक्ष चन्द्रामणि पौडेलले क्लिकमाण्डूलाई जानकारी दिए ।

त्यसैगरी बोर्डले कक्षा १२ को परीक्षाको तालिका पनि सार्वजनिक गरेको छ । कक्षा १२ को साधारण तथा प्राविधिकतर्फको परीक्षा आगामी जेठ २६ गतेदेखि असार ४ गतेसम्म हुनेछ ।
परीक्षा विहान ८ बजेदेखि ११ बजेसम्म हुनेछ ।