ब्रिटिस कलेजद्वारा ओरियन्टेसन कार्यक्रम सम्पन्न

काठमाडौँ । थापाथलीस्थित ‘द ब्रिटिस कलेज’ले नयाँ भर्ना भएका विद्यार्थीहरुका लागि ओरिन्टेसन कार्यक्रम सम्पन्न गरेको छ । जनावरी तथा फेब्रुअरी इन्टेकका लागि भर्ना भएका विद्यार्थीलाई सहभागी गराएर आइतबार कलेजले उक्त कार्यक्रम सम्पन्न गरेको हो ।

बुढानिलकण्ठस्थित पार्क भिलेज रिसोर्टमा सो कार्यक्रम भएको थियो । बीएस्सी हन्स, कम्प्युटिङ, बीबीए तथा बीएचएममा भर्ना भएका विद्यार्थीहरुको सहभागिता थियो । कोभिड–१९ को महामारीको कारण सन् २०२० मा कक्षाहरु भर्चुअल सञ्चालन भएकाले विद्यार्थीहरु पहिलो पटक साक्षत्कार भएका हुन् ।

हाल नेपालमा कोरोना संक्रमितको संख्या कम हुँदै गइरहेको अवस्थामा कलेजले ओरियन्टेसन कार्यक्रमको आयोजना गरेको हो । नेपालमा कोरोना संक्रमितको संख्या बढिरहेका बेलामा पनि कलेजले विद्यार्थीहरुलाई प्रभावकारी ढंगले अनलाइन शिक्षा प्रदान गर्दै आइरहेको छ ।