पछिल्लो २४ घण्टामा २०४ जना नयाँ कोरोना संक्रमित थपिए, ६८८ निको भए

काठमाडौं । स्वास्थ्य मन्त्रालयका अनुसार पछिल्लो २४ घण्टामा २०४ जना नयाँ कोरोना संक्रमित थपिएका छन् । यसरी हालसम्म नेपालमा कुल कोरोना संक्रमितको संख्या १६ हजार १६८ पुगेको छ ।

मन्त्रालयका प्रवक्ता प्रा. डा. जागेश्वर गौतमका अनुसार हालसम्म उपचारपछि निको हुने कोरोना संक्रमितको संख्या ७ हजार ४९९  जना पुगेको छ । जसमा पछिल्लो २४ घण्टामा मात्रै ६८८ जना उपचारपछि निको भएका छन् ।

हाल आइसोलेसनमा ८ हजार ६३४ कोरोना संक्रमित छन् भने क्वारेन्टिनमा २५ हजार ७२७ जना छन् । हालसम्म ३५ जनाको मृत्यु भएको छ ।